सिरहमा मोटरसाइकल दुर्घटना हुँदा एकजनाको मृत्यु

टुडेपाटी-

सिरहा, असोज २९ गते ।

सिरहामा सवारी दुर्घटनामा परि एकजनाको मृत्यु भएको छ ।

सिरहाको नरहा गाउँपालिका-५ बलुवास्थित सडकमा ज.३ प ६४११ नम्बरको मोटरसाइकल र प्रदेश २-०१-००१ प ०५७१ नम्बरको मोटरसाइकल एकआपसमा ठक्कर खाई बुधबार दिउँसो दुर्घटना हुँदा प्रदेश २-०१-००१ प ०५७१ नम्बरका मोटरसाइकलका चालक मिर्चैया नगरपालिका-८ बस्ने २० वर्षीय जय कुमार यादवको मृत्यु भएको हो ।

दुर्घटनामा गम्भीर घाइते भएका उनको आर के मेडिसिटी धनगढी अस्पतालमा उपचारको क्रममा मृत्यु भएको हो । साथै दुर्घटनामा घाइते भएका २ जनाको सोही अस्पताल र अन्य २ जनाको भूमिजा अस्पतालमा उपचार भइरहेको छ । दुर्घटनाका सम्बन्धमा स्थानीय प्रहरीले आवश्यक अनुसन्धान गरिरहेको छ ।