रौतहटमा दुई समुहबिच झडप, ४ जना घाइते

टुडेपाटी-
जनकपुरधाम, असोज २७ गते ।

रौतहटमा जग्गाको विषयमा दुई समुहबिच झडप हुँदा ४ जना घाइते भएका छन् । फतुवा बिजयपुर नगरपालिकाको बिजयपुर बजार भन्दा पश्चिम बडहरवा पुल छेउको एलानी जग्गाको बिषयलाई लिएर दुई समूहबीच झडप भएको हो ।

झडपमा दुबै समुहका दुई दुईजना घाइते भएका हुन् । एकपक्षका आस महमद र भन्टु साह रेका छन् भने अर्को पक्षका रामचन्द्र यादव र श्यामबाबू यादव रहेका छन् ।

श्यामबाबू यादव र रामचन्द्र यादवको टाउकोमा गम्भीर चोट लागेकाले हाल एलएस न्युरो अस्पताल बीरगञ्जमा उपचार भैरहेको छ भने आस महमद र भन्टु साह बीरगञ्जबाट उपचारपछि घर फर्किसकेको परिवारजनले जनाएको छ ।

बडहरा पुलको छउमा रहेको उक्त ऐलानी जग्गामा उँखु जोख्ने कांटा राख्ने गरिएको छ भने चाँडबाडको बेला हिन्दु समुदायले छठपर्व र मुस्लिम समुदायले दाहपर्व मनाउने गरेका छन् । केहि व्यक्तिले उक्त जग्गा कब्जा गर्न थालेपछि दुई समूहबीच बिवाद प्रहरीले जनाएको छ । त्यस क्षेत्रमा अहिले व्यापक सुरक्षाकर्मी परिचालन गरेको रौतहटका प्रहरी प्रमुख एसपी सिद्धिबिक्रम शाहले जानकारी दिए ।