सिरहामा पाँच वर्षीया बालिकालाई जबर्जस्तीको प्रयास गर्ने यादव पक्राउ

टुडेपाटी

सिरहा, असोज २७ गते ।

पाँच वर्षीया बालिकालाई जबर्जस्ती करणीको प्रयास गरेको आरोपमा सिरहाबाट एक युवक पक्राउ परेका छन् । पक्राउ पर्नेमा सिरहाको विष्णुपुर गाउँपालिका–५ लक्ष्मीपुरका २३ वर्षीय शत्रुधन यादव रहेको प्रहरीले जनाएको छ ।
नाबालिकालाई आँपको बगैँचामा लगेर यादवले जबर्जस्ती करणी गर्न खोज्दा निज बालिकाले धकेली भागेको प्रहरीले जनाएको छ ।

पीडित नाबालिकाका परिवारजनले दिएकोे जाहेरीका आधारमा जिल्ला प्रहरी कार्यालय सिरहाबाट खटिएको प्रहरी टोलीले यादवलाई पक्राउ गरेको सिरहा प्रहरी उपरीक्षक उमाशङ्कर पञ्जीयारले जानकारी दिए ।

घटनाबारे थप अनुसन्धान भइरहेको उनले बताए ।