रौतहटमा स्रोत नखुलेको १९ लाख रुपैयाँसहित २ जना पक्राउ

टुडेपाटी
रौतहट, फागुन १३ गते ।
रौतहटमा स्रोत नखुलेको १९ लाखभन्दा बढी रुपैयाँसहित २ जनालाई प्रहरीले पक्राउ गरेका छन् ।
पक्राउ पर्नेमा रौतहटको कटहरिया नगरपालिका ६ बगहीका २० वर्षिय नवलकिशोर साह र भारत बैरगनिया १४ का २३ वर्षिय सन्नी कुमार छन् ।

उनीहरुलाई रौतहटको राजदेखी नगरपालिका ८ बेलबिछवामा सशस्त्र प्रहरी बोर्डर आउट पोष्टबाट खटेको टोलीले उक्त रुपैयाँ सहित पक्राउ गरेको हो ।

टोलीले सोमवार साँझ भारत बैरगनियाबाट रौतहट आउदै गरेको बिआर ०५ आर ९४६४ नं. को मोटरसाईकलमा चेकजाँच गर्दा लुकाई छिपाई राखेको १९ लाख एक हजार एक सय ५० रुपैयाँ बरामद रौतहट प्रहरीले जनाएको छ ।

Sponsored

पक्राउ परेका दुबैको साथबाट ३ थान मोबाईलसमेत बरामद गरेको प्रहरीले जनाएको छ ।