गम्छामा बाँधेर भारतबाट जनकपुर ल्याउँदै गरेको लाखौँ रुपैयाको अवैध चाँदी सहित तस्कर साह पक्राउ

टुडेपाटी
जनकपुरधाम, फागुन १३ गते ।
लाखौँ रकम बराबरको अवैध चाँदी सहित प्रहरीले एक जनालाई पक्राउ गरेको छ । भारतबाट जनकपुरतर्फ अवैध रुपमा ल्याइएको लाखौंको चाँदीसहित सशस्त्र प्रहरीले सोमबार क्षिरेश्वरनाथ नगरपालिका १ रमदैयाका ४० वर्षीय दिलिपकुमार साहलाई पक्राउ गरेको हो ।

भारतबाट साइकलमा आइरहेका साहलाई चेकजाँज गर्दा ३.४४० किलोग्राम चाँदीको गरगहना बरामद भएको सशस्त्र प्रहरी उपरिक्षक राजेश उप्रेतीले बताए । साह गम्छाले पोको बनाएर चाँदीका सबै गरगहना कम्मरमा बाँधेर लुकाएका थिए।

उक्त चाँदीका गरगहना एक लाख २४ हजार ९० बराबरको रहेको छ। यस्तै साहको साथबाट ५ हजार बराबरको साइकल, नगद २ हजार नेपाली रुपैयाँ र भारु १४ सय २४ तथा एक थान मोवाइल समेत बरामद भएको छ।

Sponsored

बरामद सबै समान र चाँदीका गरगहनासहित तस्कर साहलाई आवश्यक कारबाहीका लागि भन्सारमा बुझाएको प्रहरी उपरीक्षक उप्रेतीले जनाए ।