सिरहामा गाँजासहित एक युवक पक्राउ

टुडेपाटी
सिरहा, फागुन १२ गते ।

सिरहा प्रहरीले लागुऔषध गाँजा सहित एक युवकलाई पक्राउ गरिएको छ । सिरहाको लहान नगरपालिका १५ घर भई डेरा गरी बस्ने २५ वर्षीय बिजय शमालाई पक्राउ गरिएको हो ।

आइतबार सिरहाको लहान नगरपालिका ५ नयाँबजार स्थित इलाका प्रहरी कार्यालय लहानबाट खटिएको प्रहरी गस्ती टालीले चेकजाँच गर्ने क्रममा शर्मालाई पक्राउ गरिएको जिल्ला प्रहरी कार्यालय सिरहाले जनाएको छ ।

प्रहरीका अनुुसार शर्माले डेरा गरी बस्ने कोठामा अवैध लागुऔषध (गाँजा) कागजको पुरीया बनाएर राखको ८६ पिस गरी जम्मा ५०० ग्राम गाँजा बरामद भएको छ ।

उनलाई नियन्त्रणमा लिई थप अनुसन्धान भइरहेको सिरहा प्रहरीले जनाएको छ ।