धनुषामा चट्याङ लागेर एकजनाको घटनास्थलमै मृत्यु

टुडेपाटी-
जनकपुरधाम, भदौ २१ गते ।

धनुषामा चट्याङ लागेर एक जनाको घटनास्थलमै मृत्यु भएको छ । मृत्यु हुनेमा धनुषाधाम नगरपालिका ७ किसानपुरका अन्दाजी ४२ वर्षीय मोहिता सदा छन् ।

आइतबार दिउँसो करिब १ बजे खेतबाट घर फर्किरहेको बेला चट्याङ लागेर सदाको मृत्यु भएको इलाका प्रहरी कार्यालय धनुषाधामका प्रहरी निरीक्षक विजय यादवले जानकारी दिए ।

Sponsored

चट्याङ लागेर मृत्यु भएका सदाको शव पोष्टमार्टमका लागि प्रादेशिक अस्पताल जनकपुरमा ल्याइएको प्रहरीले जनाएको छ ।