महोत्तरीमा मध्यरातमा जुवाको खालबाट ६ जुवाडे पक्राउ

टुडेपाटी-
जनकपुरधाम, भदौ १८ गते ।

मध्यरातमा जुवाको खालबाट प्रहरीले ६ जना जुवाडेलाई पक्राउ गरेको छ । पक्राउ पर्नेमा महोत्तरीको जलेश्वर नगरपालिका- ११ पिगौनाका ४० वर्षीय जिवछ चौधरी, वडा नं. १ का ३६ वर्षीय धर्बेन्द्र चौधरी, अरुण कुमार झा, ४९ वर्षीय विजय गुप्ता, ३७ वर्षीय जिवन साह र वडा नं. २ का १८ वर्षीय देवराज कुमार साह छन् ।

बुधबार राति १ बजेको समयमा महोत्तरीको जलेश्वर नगरपालिका-११ पिगौनास्थित जिवछ चौधरीको घरमा जुवा तास खेली रहेको विशेष सूचनाको आधारमा ६ जनालाई नियन्त्रणमा लिइएको महोत्तरीका प्रहरी नायव उपरीक्षक प्रकाश विष्टले जानकारी दिए ।

पक्राउ परेका ६ जनालाई २ लाख ५ हजार ३ सय १० नेपाली रुपैया तथा २ हजार ४ सय ४० भारतीय रुपैयाँ सहित नियन्त्रणमा लिइएको डीएसपी विष्टले बताए ।

पक्राउ परेका उनीहरूलाई जुवा सम्बन्धि कसुरमा ७ दिनको म्याद थप गरी आवश्यक अनुसन्धान भइरहेको छ ।

महोत्तरीबाट लागुऔषध सहित दुई जना पक्राउ

महोत्तरीको जलेश्वर नगरपालिका- ९ पर्कौली चोकबाट दुईजनालाई लागुऔषध सहित पक्राउ गरेको छ ।जलेश्वर पिगौनाका २६ वर्षीय बिटु कुमार राय र १९ वर्षीय बजरंगी कुमार मण्डललाई पक्राउ गरेको हो ।

बुधबार नै प्रहरीको गस्ती टोलीले मोटरसाइकल चेकजाँच गर्ने क्रममा दुबै जनालाई लागुऔषध एक्सिप्लोन लेखिएको १०० एमएलको १५ वटा बोतल, स्पासमो प्रोक्सीवन प्लुस लेखेको क्याप्सुल ४ पिस सहित पक्राउ गरिएको प्रहरी नायव उपरीक्षक प्रकाश विष्टले बताए ।