रौतहटको गरुडामा प्रहरी र प्रदर्शनकारीबिच झडप, आधादर्जन बढी घाइते

टुडेपाटी-
जनकपुरधाम, भदौ १८ गते ।

रौतहटको गरुडामा प्रदर्शनकारी र प्रहरीबिच बिहीबार अपराहन्न झडप भएको छ ।

साथी हत्या आरोपमा पक्राउ परेका विजय रामको प्रहरी हिरासतमै मृत्यु भएको विरोधमा बिहीबार दलित समुदायले गरेको प्रदर्शनको क्रममा इलाका प्रहरी कार्यालय अगाडी झडप भएको हो ।

प्रर्दशनकारीको ढुंगामुढा र प्रहरीको लाठीचार्जबाट झडपमा प्रहरीसहित आधादर्जन बढी घाइते भएका छन् । चारजना प्रहरीसहित प्रदर्शनकारी समेत घाइते भएको प्रहरीले जनाएको छ ।

त्यस क्रममा भीडलाई तितरवितर गर्न प्रहरीले ६ सेल भन्दा बढी अश्रुग्यास प्रहार गरेको जिल्ला प्रहरी कार्यालय रौतहटका डिएसपी भरत श्रेष्ठले बताए ।