सर्लाहीमा लागुऔषध गाँजासहित २ जना पक्राउ
टुडेपाटी-
सर्लाही, साउन २७ गते ।
सर्लाहीमा लागुऔषध गाँजासहित सोमबार राति दुई जनालाई पक्राउ गरेको छ । पक्राउ पर्नेमा लालबन्दी नगरपालिका वडा नम्बर २ का ५० वर्षीय सुरेश पासवान र वडा नम्बर ८ का २८ वर्षीय रवीन्द्र लामा छन् ।
सर्लाहीको लालबन्दी नगरपालिका १० स्थित चन्द्रपुरबाट राति साढे १० को समयमा उनीहरुलाई २० किलो गाँजासहित पक्राउ गरेको प्रहरीले जनाएको छ ।
सेतो बोराभित्र रातो घर्के गम्छामा बाँधेर गाँजा बोकेर पैदल हिंडिरहेको अवस्थामा दुवै जनालाई नियन्त्रणमा लिई थप अनुसन्धान कार्य गरिरहेको सर्लाहीका प्रहरी प्रवक्ता मदन कुँवरले जानकारी दिए ।
Sponsored
