जनकपुरको रामानन्दचोकमा भेटिएको शंकास्पद वस्तु लत्ताकपडा

टुडेपाटी-
जनकपुरधाम, साउन २२ गते ।

जनकपुरको रामानन्दचोकमा बुधबार राति साढे ९ बजे फेला परेको शंकास्पद वस्तु सुटकेशमा कपडालत्ता पाइएको छ । स्थानीयले चौकमा वेवारिसे अवस्थामा सुटकेश देखेपछि बम हुन सक्ने अाशंकामा त्रसित भएर प्रहरीलाई खबर गरेका थिए ।

नेपाली सेनाको बम डिस्पोजल टोलीले झण्डै डेढघण्टापछि गरिएको डिस्पोजलको क्रममा सुटकेश भित्र लत्ताकपडा भेटिएको मासका संयोजक समेत रहेका स्थानीय व्यवसायी सरोज मिश्रले जानकारी दिए ।

रामानन्दचोकमा सुटकेश फेला परेपछि धनुषाका प्रहरी नायव उपरीक्षक मगेन्द्र विष्टले टुडेपाटसंग भनेका थिए -‘शंकास्पद वस्तु भनिएको फेला परेको सुटकेश कसैको छुटेको हुन सक्छ वा भित्र शंकास्पद वस्तु समेत हुन सक्छ । जाँचबुझ पछि मात्रै के हो भन्न सकिन्छ ‘

रामानन्दचोकमा शंकास्पद वस्तु फेला, सेनाको बम डिस्पोजल टोली आइपुग्यो