रामानन्दचोकमा शंकास्पद बस्तु फेला, सेनाको बम डिस्पोजल टोली आइपुग्यो

टुडेपाटी-
जनकपुरधाम,साउन २१ गते ।

अहिले केहिबेर अगाडी जनकपुरको रामानन्दचोकमा संकास्पद वस्तु फेला परेको छ । शंकास्पद अवस्थामा रहेको सुटकेश रामानन्दचोकमा फेला परेपछि बम हुने आशंकामा त्रास फैलिएको छ ।

नेपाली सेनाको बम डिस्पोजल टोली शंकास्पद वस्तु फेला परेको ठाउँमा आइपुगेका छन् ।

रामानन्दचोकमा सुटकेश फेला परेकाले के कसो छ भन्ने विषयमा बुझ्ने काम भइरहेको धनुषाका प्रहरी नायव उपरीक्षक मगेन्द्र विष्टले टुडेपाटीलाई जानकारी दिए ।

‘सुटकेश भेटिएको छ । कसैले विर्सेर हिडेछन् वा कसैले छोडेका छन् भन्ने विषयमा जाँचबुझ भइरहेको छ’ डीएसपी विष्टले भने ।