सिरहाबाट लागुऔषधसहित साह पक्राउ

टुडेपाटी-
जनकपुरधाम, असार २१ गते ।
सिरहामा अवैध लागुऔषध सहित एकजनालाई प्रहरीले पक्राउ गरेको छ । पक्राउ पर्नेमा सिरहाको गोलबजार नगरपालिका ४ बस्ने ४२ वर्षीय मनोजकुमार साह छन् ।

विशेष सूचनाको आधारमा ईलाका प्रहरी कार्यालय गोलबजारबाट खटेको प्रहरी टोलीले आइतबार बिहान ११ बजे साहलाई आफ्नै घर कोठामा बिक्री वितरणको लागि लुकाई छिपाई राखेको अवस्थामा लागुऔषध सहित पक्राउ गरेको जिल्ला प्रहरी कार्यालय सिरहाका प्रहरी नायव उपरीक्षक विनोद घिमिरेले जानकारी दिए ।

उनको साथबाट लागुऔषध डाइलेक्स डीसी १०० एमएलको – ६७ बोतल, नाइट्रोअभेट ट्याबलेट १ सय ६५ पिस बरामद भएको डिएसपी घिमिरेले बताए ।

Sponsored

पक्राउ परेका साहमाथि आवश्यक कारबाहीका लागि थप अनुसन्धान भइरहेको सिरहा प्रहरीले जनाएको छ ।