श्रीलंकाका क्रिकेटर कुशल मेन्डिस पक्राउ, अनुसन्धान हुँदै

टुडेपाटी-
कोलम्बो, असार २१ गते ।

श्रीलंकाका क्रिकेटर कुशल मेन्डिस पक्राउलाई प्रहरीले पक्राउ गरेका छन् । आइतबार विहान उनले चलाएको गाडीको ठक्करबाट ६४ वर्षीय साइकल चालकको मुत्यु भएपछि मेन्डिस पक्राउ परेका हुन् ।

दक्षिण कोलम्बोमा २५ वर्षीय मेन्डिजले चलाएको कारको ठक्करबाट साइकल चालक सुरुमा गम्भीर घाइते भएका थिए । तत्काल अस्पताल लगिएका उनको मृत्यु भएको थियो ।

श्रीलंकाको पानाडुरा न्यायलयमा मुद्दा चल्नुअघि उनलाई प्रहरीले ४८ घन्टा हिरासतमा राख्न सक्नेछ । यो अवधिमा प्रहरीले अनुसन्धान गर्नेछ ।

प्रहरीले मेन्डिस र साइकल चालकले रक्सी खाएको वा नखाएको विषयमा केहि खुलाएको छैन ।

कोरोना भाइरसका कारण श्रीलंका अहिले पनि लकडाउनको स्थितिमा छ । यद्यपी क्रिकेटर मेन्डिसलाई गाडी चलाउन अनुमती थियो ।

उनी गत बुधबार सकिएको श्रीलंकाको अभ्यास क्याम्पमा सहभागी भएका थिए ।

श्रीलंकाका लागि ४४ टेस्ट, ७६ एकदिवसीय र २६ टी–२० खेलेका विकेटकिपर ब्याट्सम्यान मेन्डिसले टेस्टमा ७ र एकदिवसीय खेलमा २ शतक प्रहार गरेका छन् ।