कटुवा पेस्तोलसहित जनकपुरबाट सहनी पक्राउ

टुडेपाटी-
जनकपुरधाम, असार १२ गते ।

धनुषामा कटुवा पेस्तोलसहित एकजनालाई प्रहरीले पक्राउ गरेको छ । पक्राउ पर्नेमा जनकपुरधाम उपमहानगरपालिका–१ का श्याम सहनी छन् ।

जिल्ला प्रहरी कार्यालय धनुषाका अनुसार उनलाई जनकपुरको बाह्र बिघा क्षेत्रबाट पक्राउ गरिएको छ । उनको साथबाट एक थान कटुवा पेस्तोल बरामद भएको हो ।

Sponsored

विशेष सूचनाको आधारमा जिल्ला प्रहरी कार्यालय धनुषा र २ नम्बर प्रदेश प्रहरी कार्यालय जनकपुरबाट खटिएको प्रहरीले प्रदेश २–०२–००१ प ३९१४ नम्बरको मोटरसाइकलमा सवार उनलाई उक्त पेस्तोल सहित फेला पारी पक्राउ गरेको प्रहरीले जनाएको छ ।