ढल्केवरमा लागुऔषध सहित एकजना पक्राउ

टुडेपाटी-
जनकपुरधाम, फागुन १ गते ।

धनुषाको ढल्केवरबाट लागुऔषधसहित एकजना पक्राउ परेका छन् । पक्राउ पर्नेमा धनुषाको मिथिला नगरपालिका ६ बस्ने मनिसकुमार महतो छन् ।

बुधबार साँझ ईलाका प्रहरी कार्यालय ढल्केवरले मनिसलाई चेकजाँच गर्ने क्रममा लागुऔषधसहित पक्राउ गरेको हो ।

पक्राउ परेका महतो साथबाट एक्स्प्लोन नामक लागुऔषध ४३ बोतल र नाइट्रोभेट टेन १० पता सहित पक्राउ गरेको ढल्केवरका प्रहरी निरीक्षक तीर्थ कार्कीले बताए ।

पक्राउ परेका महतोमाथि थप अनुसन्धानका लागि जिल्ला अदालत धनुषाबाट म्याद थप गरिएको प्रहरी निरीक्षक कार्कीले जानकारी दिए ।