आरडिटी पोजेटिभ देखिएका युवकले क्वारेन्टिनमै गरे आत्महत्या

टुडेपाटी-

अर्घाखाँची, असार ३ गते ।

अर्घाखाँचीमा एक युवकले क्वारेन्टिनमै आत्महत्या गरेका छन् ।

शितगंगा नगरपालिका ५ जुकेना गल्दाको हरि माध्यमिक विद्यालयको क्वारेन्टाइनमा बस्दै आएका स्थानीय ४५ वर्षीय देवबहादुर विकले झुन्डिएर आत्महत्या गरेको प्रहरीले जनाएको छ ।

जिल्ला प्रहरी कार्यालय अर्घाखाँचीका प्रहरी नायव उपरीक्षक माधब बुढाथोकीका अनुसार आरडिटी परीक्षणमा उनको कोरोना पोजिटिभ देखिएको थियो ।

गएराती क्वारेन्टाइन नजिकैको एक रुखमा झुण्डिएर उनले आत्महत्या गरेको उनको भनाइ छ ।

गत जेठ १० गते भारतबाट घर फर्किएका विकको आरडिटी रिपोर्ट पोजिटिभ आएपछि पीसीआर परीक्षणका लागि जेठ २४ गते स्वाब संकलन गरी पठाइएको भएपनि रिपोर्ट भने आइनसकेको प्रहरी नायव उपरीक्षक बुढाथोकीले बताए ।

घटनाबारे थप अनुसन्धान भइरहेको उनले जनाए ।