सिरहाबाट भरुवा बन्दुकसहित २ जना पक्राउ

टुडेपाटी-
जनकपुरधाम, जेठ २५ गते ।
सिरहामा भरुवा बन्दुकसहित २ जनालाई प्रहरीले पक्राउ गरेको छ । सिरहाको गोलबाजार नगरपालिका ३ बस्ने ६९ वर्षीय कुलबहादुर पुर्वछाने र ६२ वर्षीय तीलक बहादुर थापालाई पक्राउ गरेको हो ।

विशेष सूचनाको आधारमा इलाका प्रहरी कार्यालय गोलबजार सिरहाबाट खटिएको प्रहरी टोलीले दुवैजनालाई पक्राउ गरेको जिल्ला प्रहरी कार्यालय सिरहाले जनाएको छ । सिरहाको गोलबजार नगरपालिका ३ जम्दह कुपगैरी स्वास्थ्य चौकी नजिकको एरियाबाट आइतबार दुवैजना पक्राउ परेको सिरहाका प्रहरी प्रवक्ता तथा प्रहरी नायव उपरीक्षक विनोद घिमिरेले जानकारी दिए ।

उनीहरुको साथबाट लोड भएको भरुवा बन्दुक २ थान र छर्रा बारुदसहित पक्राउ गरी इलाका प्रहरी कार्यालय गोलबजार सिरहाबाट थप अनुसन्धान भईरहेको डिएसपी घिमिरेले बताए ।

Sponsored