रौतहटमा चट्याङ लागेर एकजनाको मृत्यु

टुडेपाटी-

रौतहट, जेठ १२ गते ।

आइतबार राति आएको हावाहुरी र चट्याङ्गका कारण रौतहटमा ठूलो धनजनको क्षति भएको छ । मौलापुर नगरपालिका ८ बस्ने एक पुरुषको चट्याङ्ग लागेर मृत्यु भएको छ ।

राति सवा ८ बजे सोनरनिया गाउँभन्दा पश्चिममा रहेको खेतबाट घर फर्कने क्रममा ४५ वर्षीय रामाकान्त वैठालाई चट्याङ्ग लागेको थियो ।

राति चट्याङ लागेर उनको घटनास्थलमा नै मृत्यु भएको प्रहरीले जनाएको छ । हवाहुरीबाट मौलापुर, फतुवाविजयपुर, कटहरिया, देवाहीगोनाही लगायत स्थानीय तहका दर्जनौं घरको छाना उडाउनुका साथै रुखहरु ढलेको छन् ।

क्षतिको यकिन विवरण आउन बाँकी रहेको प्रहरीको भनाइ छ ।