मधेश प्रदेशः मोटरसाइकलको ठक्करबाट बालिकाको मृत्यु

टुडेपाटी–
सर्लाही, असोज १ गते ।

मोटरसाइकलको ठक्करबाट मलंगवामा एक बालिकाको मृत्यु भएको छ ।

सोमबार मध्यान्ह मलंगवा नगरपालिका ४ मा उत्तरबाट दक्षिणतर्फ गइरहेको नम्बर नखुलेको मोटरसाइकलले ठक्कर दिँदा स्थानीय रामदर्शन पासवानकी ४ वर्षीया छोरी नन्दनी कुमारीको मृत्यु भएको प्रहरीले जनाएका छन् ।

बालिकाको शव पोष्टमार्टमका लागि प्रादेशिक अस्पताल मलंगवामा राखिएको छ ।

दुर्घटनापछि चालक मोटरसाइकलसहित फरार भएकाले खोजतलास जारी रहेको प्रहरीले जनाएको छ ।