मधेश प्रदेशः मोटरसाइकल दुर्घटनामा एकजनाको मृत्यु

टुडेपाटी
सर्लाही, भदौ २८ गते ।

सर्लाहीमा मोटरसाइकल दुर्घटनामा परि एकजनाको मृत्यु भएको छ ।

बिहिबार बिहान बागमती नगरपालिका ८ गाजलीचोकस्थित राजघाटबाट सोल्टी आइरहेको बा ३० प ९४०७ नम्बरको मोटरसाइकल र हरिवनबाट रौतहटको समनपुर जाँदै गरेको ना ५९ प ५१७७ नम्बरको मोटरसाइकल एक आपसमा ठोकिंदा बा ३० प ९४०७ नम्बरको मोटरसाइकल चालक बागमती ८ शंकरपुरका ५० बर्षिय गणेश कार्की गम्भिर घाइते भइ हरिवनस्थित सरस्वती हस्पिटल हरिवनमा उपचारको क्रममा मृत्यु भएको प्रहरीले जनाएको छ ।
यस्तै, तीनजना घाइते भएका छन् ।

अर्को मोटरसाइकल सवार हरिवन नगरपालिका १ का ३२ बर्षिय मुकेश कुमार साह उनको श्रीमती २६ बर्षिया शान्ता कुमारी साह र ३ बर्षिया छोरी प्रिया कुमारी साह घाइते भएका छन् ।

प्रियाको टाउकोमा चोट लागेको छ । उनको अबस्था गम्भिर रहेको इलाका प्रहरी कार्यालय बरहथवाका प्रहरी नायव उपरीक्षक लिलाराज लामिछानेले जानकारी दिए ।

घटना सम्बन्धमा थप अनुसन्धान भइरहेको प्रहरीले जनाएकाक छन् ।