मधेश प्रदेशः लागूऔषध सहित दुईजना पक्राउ

टुडेपाटी–
सप्तरी, असार २८ गते ।

सप्तरी प्रहरीले प्रतिबन्धित लागूऔषधसहित दुईजनालाई पक्राउ गरेको छ ।

पक्राउ पर्नेमा सु.न.पा. १, पन्द्रकठ्ठेका अनोज कुमार केसी र घनश्याम राउत रहेको जिल्ला प्रहरी कार्यालय सप्तरीले जनाएको छ ।

सप्तरीको पन्द्रकठ्ठेमा लागूऔषधको कारोबार भैरहेको सूचनाको आधारमा इलाका प्रहरी कार्यालय भेडियाबाट खटेको प्रहरी टोलीले दुबैजनालाई लागूऔषधसहित पक्राउ गरेको हो ।

सूचना वमोजिमको घरमा रितपूर्वक खानतलासि गर्दा एस्पास्मो प्रोक्सिभो प्लस लेखिएको ट्याब्लेट २२४ पिस, डाइलेक्स डिसी उल्लेख भएको १५९ बोतल कोरेक्स र गाँजा २०० ग्राम बरामद गरिएको प्रहरी प्रवक्ता प्रहरी नायव उपरीक्षक नरेशकुमार सिंहले जानकारी दिए ।

पक्राउ परेका दुबैजनालाई सप्तरी जिल्ला अदालतबाट म्याद लिई थप अनुसन्धान थालेको जिल्ला प्रहरी कार्यालय सप्तरीले जनाएको छ ।
जिल्ला प्रहरी कार्यालय, सप्तरी राजबिराज