मधेश प्रदेशः मोटरसाइकल दुर्घटनामा एकजनाको मृत्यु

टुडेपाटी–
सर्लाही, असार २४ गते ।

सर्लाहीमा मोटरसाइकल दुर्घटनामा परेर एकजनाको मृत्यु भएको छ ।

आइतबार बिहान जिल्लाको गोडैता नगरपालिका–१२, मा मोटरसाइकल दुर्घटना हुँदा चालकको घटनास्थलमै मृत्यु भएको प्रहरीले जनाएका छन् ।

गडहीयाबाट मधुवनीतर्फ गइरहेको प्रदेश २–०३–०१२ प ९७४४ नम्वरको मोटरसाइकल आफै अनियन्त्रित भइ दुर्घटना हुँदा चालक धनकौल गाउँपालिका–१, बस्ने ४५ वर्षीय सोनालाल राउतको मृत्यु भएको हो ।

मृतकको शव पोष्टमार्टमका लागि प्रादेशिक अस्पताल मलङ्गवा ल्याइएको छ भने यस सम्बन्धमा थप अनुसन्धान भइरहेको सर्लाही प्रहरीले जनाएको छ ।