मधेश प्रदेश: खुकुरी प्रहार गरी श्रीमतीको हत्या, श्रीमान पक्राउ

टुडेपाटी–
जनकपुरधाम, असार २२ गते ।

खुकुरी प्रहार गरी श्रीमतीको हत्या गरेको आरोपमा सर्लाहीमा श्रीमान पक्राउ परेका छन् ।

पक्राउ पर्नेमा जिल्लाको हरिवन नगरपालिका ५ घुर्कौली टोल बस्ने ३५ वर्षीय राम भरोश महतो भन्ने अर्जुन महतो रहेको जिल्ला प्रहरी कार्यालय सर्लाहीले जनाएको छ ।

घरायसी झग्डाको कारण शुक्रबार दिउँसो आफ्नै श्रीमती २८ वर्षीया नैन कुमारी महतोलाई खुकुरी प्रहार गरी अर्जुनले हत्या गरेको प्रहरी प्रवक्ता प्रहरी नायव उपरीक्षक दिपेन्द्र पंजियार थारुले जानकारी दिए ।

महतोले श्रीमतीको घाँटिमा खुकुरी प्रहार गरी हत्या गरेका छन् । यस सम्बन्धमा थप अनुसन्धान भइरहेको जिल्ला प्रहरी कार्यालय सर्लाहीले जनाएको छ ।