धनुषमा चोरीको ट्याक्टरसहित एकजना पक्राउ

टुडेपाटी-
जनकपुरधाम, असार ८ गते ।

धनुषबाट चोरीके ट्याक्टरसहित एकजना पक्राउ परेका छन् । पक्राउ पर्नेमा धनुषा धनुषाधाम नगरपालिका ५ बस्ने वर्ष २६ का धर्मेन्द्र कुमार साह छन् ।

उनलाई धनुषाको क्षिरेश्वरनाथ नगरपालिका ८ दिगम्बरपुर स्थिबाट बुधबार साँझ ७ बजे पक्राउ गरेको धनुषाका प्रहरी प्रवक्ता डिएसपी वेदप्रसाद गौतमले जानकारी दिए ।

उनका अनुसार बुधबार बिहान ३ बजे धनुषाको धनौजी गाउँपालिका बस्ने फिरोज साहुले आफ्नो घर अगाडी पार्किङ गरी राखेको ज १त ८६९१ नं. ट्रयाकटर चोरी भएको थियो ।

चोरीको सूचना पाएपछि प्रहरीले खोजतलास सुरु गरेका थिए । त्यस क्रममा साहलाई चोरीको ट्याक्टरसहि तनियन्त्रणमा लिएर इलाका प्रहरी कार्यायल सखुवा महेन्द्रनगरमा राखिएको छ । साहमाथि थप अनुसन्धान गरिरहेको जिल्ला प्रहरी कार्यालय धनुषाले जनाएको छ ।