मधेश प्रदेश : मोटरसाइकलको ठक्करबाट एक जनाको मृत्यु

टुडेपाटी–
सिरहा, जेठ १७ गते ।

मोटरसाइकलको ठक्करबाट सिरहामा एकजनाको मृत्यु भएको छ ।

मंगलबार जिल्लाको नवराजपुर गाउँपालिका–१ स्थित भगवतीपुर चोकमा मोटरसाइकलको ठक्करबाट मंगलबार एक जनाको मृत्यु भएको प्रहरीले जनाएका छन् ।

जिल्ला प्रहरी कार्यालय सिरहाका अनुसार स १० प ६३२० नम्बरको मोटरसाइकलको ठक्करबाट घाइते भएका पैदलयात्री नवराजपुर–४ का ५५ वर्षीय छबिलप्रसाद साहको लहानस्थित प्रादेशिक अस्पतालमा उपचारका क्रममा मृत्यु भएको हो ।

मोटरसाइकलले साहलाई सोमबार राति साढे ९ बजे ठक्कर दिएको थियो ।

ठक्कर दिने मोटरसाइकलका चालक ३२ वर्षीय अरविन्द मण्डल प्रहरीको नियन्त्रणमा रहेको छ ।