हुन्डी कारोबारमा संलग्न भएको आरोपमा सिरहाबाट एक युवक पक्राउ

टुडेपाटी–
जनकपुरधाम, बैशाख २२ गते ।

अवैध हुन्डी कारोबारमा संलग्न भएको आरोपमा सिरहाको गोलबजराबाट प्रहरीले एक युवकलाई पक्राउ गरेको छ।

बिहीबार साँझ गोलबजार नगरपालिका ४ बाट स्थानीय ३० वर्षीय किशुनलाल साहलाई प्रहरीले नियन्त्रणमा लिएको हो।

इलाका प्रहरी कार्यालय गोलबजार र प्रहरीको केन्द्रीय अनुसन्धान ब्युरो (सीआईबी) को संयुक्त टोलीले उनलाई पक्राउ गरेको जिल्ला प्रहरी कार्यालय सिरहाले जनाएको छ।

स्थानीयले दिएको सूचनाका आधारमा प्रहरी टोलीले साहलाई उनकै घरबाट पक्राउ गरेको जिल्ला प्रहरी कार्यालयका सूचना अधिकारी रवीन्द्रराज पाण्डेले जानकारी दिए।

पक्राउलगत्तै सीआईबी टोलिले थप अनुसन्धानका लागि साहलाई काठमाडौं लगेको हो ।