मधेश प्रदेश : आफ्नै घरमा आगो लगाउने एकजना प्रहरीको नियन्त्रणमा

टुडेपाटी–
सप्तरी, बैशाख १६ गते ।

घरायसी विवादमा श्रीमतीलाई कुटपिट गर्दै आफ्नै घरमा आगो लगाउने एकजना पक्राउ परेका छन् ।

पक्राउ पर्नेमा सुरुङ्गा नगरपालिका १ चकहा मुसहरी टोल बस्ने २७ वर्षीय रमेश सदा रहेको जिल्ला प्रहरी कार्यालय सप्तरीले जनाएको छ ।

गएराति सदाले मदिरा सेवन गरी खाँना माग्न जाँदा श्रीमतीसँग बादविवाद गरी कुटपिट गरी चुल्लोबाट आगो तानी आफ्नै फुसको छाना भएको घरमा आगो लगाएको प्रहरी प्रवक्ता प्रहरी नायव उपरीक्षक नरेशकुमार सिंहले जानकारी दिए ।

यस सम्बन्धमा थप अनुसन्धान भइरहेको जिल्ला प्रहरी कार्यालय सप्तरीले जनाएको छ ।