मधेश प्रदेश : हात्तीको आक्रमणमा परेर एकजनाको मृत्यु

टुडेपाटी–
सिरहा, बैशाख २ गते ।

हात्तीको आक्रमणमा परेर सिरहामा एक जनाको मृत्यु भएको छ ।

शुक्रबार राति हात्तीको आक्रमणबाट गोलबजार नगरपालिका–३ गोला मुक्सारका ७४ वर्षीय तुलबहादुर आले मगरको मृत्यु भएको हो ।

छिमेकी घनश्याम आले मगरका अनुसार नयाँ वर्षको अवसरमा गाउँमा आयोजित नाच हेर्न जाने क्रममा राति घरनजिकै हात्तीको आक्रमणमा ७४ वर्षीय तुलबहादुर आले मगर परेका थिए ।

इलाका प्रहरी कार्यालय गोलबजारले हात्तीको आक्रमणबाट मृत्यु भएका ७४ वर्षीय तुलबहादुर आलेको शव पोस्टमार्टमका लागि लहानस्थित प्रादेशिक अस्पतालमा राखिएको जनाएको छ ।