मधेश प्रदेश : मोटरसाइकल दुर्घटनामा एकजनाको मृत्यु

टुडेपाटी-
बारा, फागुन २८ गते ।

बारामा सडक दुर्घटनामा परी एक जनाको मृत्यु भएको छ ।

शनिबार साँझ करिब साढे ६ बजे जिल्लाको महागढीमाई नगरपालिका ८ थलही पुल नजिकै कलैयाबाट लङ्गडाचोक तर्फ जाँदै गरेको ना. ३७ प ४१४८ न.को मोटरसाइकललाई विपरीत दिशाबाट आउँदै गरेको नम्बर नखुलेको  गाडीले ठक्कर दिँदा मोटरसाइकल चालकको ज्यान गएको जिल्ला प्रहरी कार्यालय बाराले जनाएको छ ।

दुर्घटनामा परेर आदर्श कोतवाल गाउँपालिका १ जमुनिया बस्ने २२ वर्षीय विकास कुमार साहको उपचारको क्रममा मृत्यु भएको प्रहरीले जनाएको छ ।

दुर्घटनाग्रस्त मोटरसाइकललाई प्रहरीले नियन्त्रणमा लिएको छ भने फरार रहेको गाडीको खोजतलास भइरहेको जनाएको छ ।