मधेश प्रदेश : मोटरसाइकल दुर्घटनामा एकजनाको मृत्यु

टुडेपाटी–
पर्सा, फागुन २० गते ।

पर्सामा मोटरसाइकल दुर्घटनामा परेर एकजनाको मृत्यु भएको छ ।

शुक्रबार राति जिल्लाको पोखरिया नगरपालिकामा भएको मोटरसाइकल दुर्घटनामा एक जनाको मृत्यु भएको छ भने एक जना घाइते भएको प्रहरीले जनाएका छन् ।

मृत्यु हुनेमा पर्सा जगरनाथपुर गाउँपालिका–५ मसिहानीका ४५ वर्षीय चोकट मुखिया बिन रहेका छन् । यस्तै, घाइते पोखरिया–३ फुलरिया का ३९ वर्षीय विश्वजित राउत गिरी हुन् ।

राति साढे ९ बजेको समयमा वीरगन्ज महानगरपालिकाबाट पोखरियातर्फ जाँदै गरेको ना ४२ प १७५९ नम्बरको मोटरसाइकल पोखरिया नगरपालिकामा अनियन्त्रित भइ दुर्घटना भएको थियो ।

इलाका प्रहरी कार्यालय पोखरियाबाट खटेको प्रहरी टोलीले घाइतेहरूलाई उद्धार गरी उपचारका लागि पोखरिया अस्पतालमा लगेकोमा उपचारको क्रममा बिनको राति १० बजे मृत्यु भएको हो ।

गिरीको दाहिने हात भाँच्चिएकाले उनलाई थप उपचारका लागि नारायणी अस्पताल वीरगन्जमा भर्ना गरिएको जिल्ला प्रहरी कार्यालय पर्साले जनाएको छ ।