जनकपुरबाट कटुवा पेस्तोलसहित एकजना पक्राउ

टुडेपाटी-
जनकपुरधाम, फागुन १४ गते ।

जनकपुरधामबाट कटुवा पेस्तोल सहित एकजना पक्राउ परेका छन् । पक्राउ पर्नेमा धनुषाको हंसपुर नगरपालिका ४ बस्ने वर्ष २२ का भरोस पासवान छन् ।

उनलाई जनकपुरधाम उपमहानगरपालिका १७ तेतरियाबाट पेस्तोल र त्यसमा प्रयोग हुने एक राउन्ड गोलीसहित पक्राउ गरेको धनुषाका प्रहरी प्रवक्ता वेद प्रसाद गौतमले जानकारी दिए ।

पक्राउ परेका पासवानमाथि हातहतियार तथा खरखजाना मुद्दा म्याद थप गरी अनुसन्धान गरिरहेको जिल्ला प्रहरी कार्यालय धनुषाले जनाएको छ ।

यस्तै धनुषा प्रहरीले धनुषाको गणेशमान चारनाथ नगरपालिका ५ सेलार स्थित जंगलबाट १२ वोरको भरुवा बन्दुक थान-१ वेवारिसे अवस्थामा बरामद गरेको छ ।