मधेश प्रदेश : मोटरसाइकल दुर्घटना हुँदा एक किशोरको मृत्यु

टुडेपाटी–
काठमाडौं, फागुन ६ गते ।

पर्सामा मोटरसाइकल दुर्घटनामा परेर एक जना किशोरको मृत्यु भएको छ।

शुक्रबार राति पौने १२ बजे जिल्लाको धोबिनी गाउँपालिका ४ पुलचोकमा प्रदेश २–०३–००६ प ५६५८ नम्बरको मोटरसाइकल दुर्घटना हुँदा एक जनाको मृत्यु भएको जिल्ला प्रहरी कार्यालय पर्साले जनाएको छ ।

डिएसपी दिपक गिरीका अनुसार लंगडीबाट हरिपुर जाँदै गरेको मोटरसाइकल कलभर्टमा ठोक्किएर दुर्घटना भएको हो ।

दुर्घटनामा सखुवा प्रसौनी गाउँपालिका ६ का १४ वर्षीय चालक दिपेशकुमार यादवको मृत्यु भएको हो ।

त्यस्तै मोटरसाइकलमै सवार धोबिनी गाउँपालिका ४ बस्ने १० वर्षीय दिपु यादव सामान्य घाइते छन्।