‘भ्यालेन्टाइन डे’मा बिक्यो साढे ३ करोडको गुलाब

टुडेपाटी–
काठमाडौँ, फागुन ३ गते ।

‘भ्यालेन्टाइन डे’ मा यस वर्ष ३ लाख ४८ हजार स्टिक गुलाब फूल खपत भएको छ ।

फ्लोरिकल्चर एसोसिएसनका अनुसार भ्यालेन्टाइन डेको एक सातामा बिक्री भएको गुलाबको मूल्य ३ करोड ४८ लाख रुपैयाँ बराबर हो ।

एसोसिएसनका अनुसार पोहोरको प्रणय दिवसको तुलनामा यो वर्ष ६८ प्रतिशत धेरै गुलाब खपत भएको छ ।

गत वर्ष एक सातामा २ लाख ७ हजार स्टिक गुलाब खपत भएको एसोसिएसनले जानकारी दिएको छ ।