मधेश प्रदेश : १९ दिनमा १०६ फरार प्रतिवादी पक्राउ

टुडेपाटी–
रौतहट, माघ २० गते ।

फरार प्रतिवादीलाई पक्राउ गर्ने अभियान अन्तरगत रौतहट प्रहरीले तीन साताको अवधिमा १०६ जना फरार प्रतिवादीलाई पक्राउ गरेको छ।

माघ १ गतेदेखि १९ गतेसम्मको अवधिमा १०६ जना फरार अभियुक्तलाई पक्राउ गरिएको जिल्ला प्रहरी कार्यालय रौतहटले जनाएको छ ।

प्रहरी नायब उपरीक्षक उमाशंकर प्रसाद यादवका अनुसार जिल्ला प्रहरी कार्यालय र मातहतका प्रहरी एकाइबाट खटिएका प्रहरी टोलीले जिल्लाका विभिन्न ठाउँबाट अदालतबाट कैद, जरिवाना र सजाय तोकिएका अभियुक्तहरुलाई पक्राउ गरेको हो।

पक्राउ परेकाहरुलाई अदालतमा उपस्थित गराएर जरिवाना तथा कैद सजायका लागि कारागार पठाइएको प्रहरी नायव उपरीक्षक यादवले जानकारी दिए ।