मधेश प्रदेश : कटुवा पेस्तोल लिएर घुमिरहेका २२ वर्षीय युवक प्रहरीको फन्दामा

टुडेपाटी–
जनकपुरधाम, माघ ४ गते ।

सर्लाहीमा कटुवा पेस्तोल लिएर घुमीरहेको एक युवक पक्राउ परेका छन् ।

बुधबार बिहान सर्लाहीको ईश्वरपुर नगरपालिका ६ बयलबास बजारमा विशेष सूचनाको खाधारमा खटेको प्रहरी टोलीले ईश्वरपुर ५ नरेशखोर बस्ने २२ वर्षीय संजित कुमार महतोलाई कटुवा पेस्तोलसहित नियन्त्रणमा लिएको प्रहरी प्रवक्ता प्रहरी नायव उपरीक्षक बिजय यादवले जानकारी दिए ।

यादवको साथबाट कटुवा पेस्तोल १ थान र सो पेस्तोलमा लाग्ने ९ एमएमकेएफ लेखिएको १ थान गोली बरामद गरिएको प्रवक्ता यादवले जानकारी दिए ।

यस सम्बन्धमा थप अनुसन्धान भइरहेको जिल्ला प्रहरी कार्यालय सर्लाहीले जनाएको छ ।