पिकअपको ठक्करबाट जनकपुरधामका युवकको मृत्यु

टुडेपाटी–
सिरहा, मंसिर २३ गते

पिकअपको ठक्‍करबाट सिरहामा एक पैदल यात्रीको मृत्यु भएको छ । यस्तै, अर्का एकजना घाइते भएका छन् ।

जिल्लाको लहान नगरपालिका ३ मा बिहीबार राति भएको दुर्घटनामा धनुषाको जनकपुरधाम उपमहानगरपालिका २३ का २४ वर्षीय मुकेश साह र २२ वर्षीय विवश खनाल घाइते भएका थिए ।

दुर्घटनामा परेर घाइते भएका दुवैको धमिनी अस्पतालमा उपचार भइरहेकामा उपचारकै क्रममा मुकेशको मृत्यु भएको हो ।

बा १९ च ६९३२ नम्बरको पिकअपले बिहीबार राति साढे ११ बजे पैदल यात्रीद्वयलाई ठक्‍कर दिएको हो ।

सवारी साधन र चालक प्रहरीको नियन्त्रणमा रहेको इलाका प्रहरी कार्यालय लहानले जनाएको छ ।