आतंकवाद विरुद्ध शान्ति अभियान नारासहित जनकपुरधाममा दीपप्रज्वलन

टुडेपाटी-
जनकपुरधाम, मंसिर ११ गते ।

आतंकवाद विरुद्ध, शान्ति अभियान नारा सहित जनकपुरधाममा दीपप्रज्वलन गरिएको छ । लोकतान्त्रिक युवा नागरिक समाजको आयोजनामा जनकपुरको जनकचौकदेखि जानकी मन्दिरसम्म पुगेर दीप प्रज्वलन गरिएको हो ।

आजभन्दा १३ वर्षअघि मुम्बईको रियायसी एरिया,ताज होटल,मेरिन ड्राइभसहितको ठाउँ पाकिस्तानी आतंकवादीले हमला गरेको थियो । जसमा १६० जनाले ज्यान गुमाएका थिए । मृतकहरुप्रति श्रद्धाञ्जली व्यक्त गर्दै लोसपाका नेता राजीव झाले यस प्रकारको घटना घटाउने जुन सुकै देश समुदाय,संस्था वा व्यक्तिलाई समाजिक बहिस्कार गर्नुपर्ने बताए ।

सोही कार्यक्रममा हिन्दी अभियानी रमण पांण्डे यश प्रकारको घटना मानवता बोरोधी भन्दै निन्दा गरे ।

दर्जनौ मानिसहरुको सहभागिता रहेको सो कार्यक्रम मनिष झा श्रीओमको अध्यक्षतामा सम्पन्न भएको थियो ।