मधेश प्रदेशमा भोली सार्वजनिक बिदा

टुडेपाटी–
जनकपुरधाम, कार्तिक १३ गते ।

मधेश प्रदेश सरकारले छठ पर्वको अवसरमा छठको अन्तिम दिन सार्वजनिक बिदा दिएको छ ।

संघ सरकारले छठको तेस्रो दिन अर्थात अस्ताउँदै गरेको सूर्यलाई अर्घ दिने दिन बिदा मात्र दिएपछि प्रदेश सरकारले छठको अन्तिम दिन पारनको दिन समेत प्रदेशमा बिदा दिने निर्णय गरेको छ ।

मुख्यमन्त्री लालबाबु राउतले छठ पर्वको अवसरमा शुभकामना व्यक्त गर्दै प्रदेशमा सोमबार सार्वजनिक बिदा रहेको जानकारी दिएका हुन् ।

जनकपुरधाम सहित देशभर आज छठ पर्वको मख्य दिन अस्ताउँदै गरेको सूर्यलाई अर्घ दिँदैछन् । भोली उदाउँदै गरेको सूर्यलाई अर्घ दिएसँगै छठ पर्वको विधिवत रुपमा समापन हुनेछ ।