पाँचदलीय गठबन्धन ९५ प्रतिशत सिट जित्छ : आरजु देउवा

टुडेपाटी–
जनकपुरधाम, कार्तिक १३ गते ।

मंंसिर ४ मा हुने प्रतिनिधिसभा र प्रदेशसभाको निर्वाचनमा पाँच दलीय गठबन्धन ९५ प्रतिशत सिटमा जित हासिल गर्ने प्रधानमन्त्री शेरबहादुर देउवा पत्नी एवं नेपाली कांग्रेसकी केन्द्रीय सदस्य आरजु राणा देउवाले बताएकी छन् ।

आइतबार जनकपुरधाम विमानस्थलमा सञ्चारकर्मीसँग कुराकानी गर्दै राणाले गठबन्धनबाट अधिकांश बागी उम्मेदवारहरुले उम्मेदवारी फिर्ता लिइसकेकाले गठबन्धनको जित सुनिश्चित रहेको दाबी गरिन् ।

आइतबार छठ पर्वमा दर्शन गर्न राणा जनकपुरधाम आएकी छन् । उनी आज दिउँसो जनकपुरधामस्थित गंगासागरमा छठ पर्व हेर्ने कार्यक्रम रहेको छ ।

त्यस्तै, सोमबार विहान उदाउँदो सूर्यलाई अर्घ दिने क्रममा नेतृ राणा काँग्रेसका नेता विमलेन्द्र निधिको गृहगाउँ नगराईन नगरपालिका जाने कार्यक्रम रहेको कांग्रेस धनुषा क्षेत्र नम्बर–३ का क्षेत्रीय सभापति धिरेन्द्र निधिले जानकारी दिए ।

सोमबार नै उनी नगराईन नगरपालिकाअन्तर्गतको नेपाल–भारत सीमा जटही पुगेर नाका अवलोकन गर्ने क्षेत्रीय सभापति निधिले जानकारी दिए ।