मधेश प्रदेश : चोरीको मोटरसाइकलसहित ६ जना पक्राउ

टुडेपाटी–
पर्सा, कार्तिक १ गते ।

प्रहरीले चोरी गरिएका पाँच वटा मोटरसाइकलसहित पर्सामा ६ जनालाई पक्राउ गरेको छ।

वीरगञ्ज महानगरपालिकाको विभिन्न स्थान र पोखरिया नगरपालिकाबाट चोरी भएका मोटरसाइकलसहित ६ जनालाई पक्राउ गरिएको जिल्ला प्रहरी कार्यालय पर्साले जनाएको छ ।

पक्राउ पर्नेमा वीरगञ्ज–१३ का सुमित कुशवाहा, वीरगञ्ज–१२ का राजन मण्डल, अभय मण्डल, वीरगञ्ज–११ का नन्दन कुमार चौरसिया र वडा नम्बर १० का रिकी मण्डल रहेका छन् ।

यस्तै, पोखरिया ६ का खरबुद आलमलाई पक्राउ गरिएको पर्साका प्रहरी प्रवक्ता दीपक गिरीले जानकारी दिए।

पक्राउ परेकाहरुलाई चोरीसम्बन्धी कसूरमा म्याद लिएर थप अनुसन्धान भइरहेको गिरीले बताए।