जनकपुरबाट चोरीको दुई मोटरसाइकलसहित दुई युवक पक्राउ

टुडेपाटी-
जनकपुरधाम, असोज ३० गते ।

जनकपुरबाट चोरीको मोटरसाइकलसहित दुई युवक पक्राउ परेका छन् । पक्राउ पर्नेमा धनुषाको शहिदनगर नगरपालिका ५ वस्ने २० वर्षीय अजित पासवान र जनकपुरधाम उपमहानगरपालिका ९ बस्ने वर्ष २२ का चन्दनकुमार झा रहेका छन् ।

पासवानलाई ज.२ प. ७०९९ नम्बरको स्पलेण्डर मोटरसाईकल र झालाई ज.१२ प. २७८५ नम्बरको २२० सीसी पल्सर मोटरसाईकल चोरी गरेको आरोपमा पक्राउ गरेको जिल्ला प्रहरी कार्यालय धनुषाले जनाएको छ ।प्रहरीका अनुसार जनकपुरको फरक फरक स्थानबाट दुबै युवकले मोटरसाइकल चोरी गरेका थिए ।

Sponsored

प्रहरीका अनुसार दुबैजनाको साथबाट चोरीको मोटरसाइकल समेत बरामद गरिएको छ । उनीहरुमाथि चोरी सम्बन्धी मुद्दा शिर्षकमा म्याद थप गरी अनुसन्धान कार्य गरिरहेको जिल्ला प्रहरी कार्यालय धनुषाले जनाएको छ ।