धनुषामा रड प्रहार गरी ४ वर्षीय बालकको हत्या, काका पक्राउ

टुडेपाटी-
जनकपुरधाम, असोज १२ गते ।

धनुषामा फलामे रड प्रहार गरि ४ वर्षीय बालकको हत्या भएको छ । धनुषाको क्षिरेश्वरनाथ नगरपालिका ५ महेन्द्रनगर बस्ने किसन पासवानका ४ वर्षीय छोरा अनुप पासवानको हत्या भएको हो ।

धनुषाका प्रहरी प्रवक्ता डिएसपी प्रदीपबहादुर बुधबार दिउँसो ३ बजेको समयमा आफ्नै काका २८ वर्षीय रवि पासवानले रडले प्रहार गरेपछि बालकको मृत्युु भएको हो ।

रडले प्रहार गरेपछि बालक गम्भीर घाइते भएका थिए । स्थानीय स्तरमै उपचारको क्रममा आधा घण्टा भित्रै बालकको भएको डिएसपी क्षेत्रीले बताए ।

घटना लगत्तै काका रविलाई प्रहरीले पक्राउ गरेको छ । इलाका प्रहरी कार्यालय सखुवा महेन्द्रनगरका हिरासतमा राखेर घटना विषयमा थप अनुसन्धान भइरहेको डिएसपी क्षेत्रीले बताए ।

हत्याको कारण खुल्न सकेको छैन । पारिवारिक विवादमा भएको हुन सक्ने प्रहरीको अनुमान छ ।
बालकको शव पोस्टमार्टमको लागि प्रादेशिक अस्पताल जनकपुरमा राखिएको छ ।