मोटरसाइकल दुर्घटना हुँदा धनुषामा एक जनाको मृत्यु

टुडेपाटी–
जनकपुरधाम, असोज २ गते ।

धनुषामा मोटरसाइकल दुर्घटनामा परेर एकजनाको मृत्यु भएको छ ।

जिल्लाको छिरेश्वरनाथ नगरपालिका–१ रमदैयामा मोटरसाइकल दुर्घटना हुँदा चालकको मृत्यु भएको हो ।

जनकपुरधामबाट महेन्द्रनगर जाँदै गरेको प्रदेश २–०२–००३ प ५८०१ नम्बरको मोटरसाइकल गएराती पौने १० बजे पल्टिएको थियो ।

दुर्घटनामा परेर अन्दाजी ३० वर्षिय पुरुषको मृत्यु भएको हो । मृतकको सनाखत हुन नसकेको ईलाका प्रहरी कार्यालय महेन्द्रनगर धनुषाले जनाएको छ ।