रौतहटमा बाँसको लाठीले कुटेर युवकको हत्या, एकजना पक्राउ

टुडेपाटी-
रौतहट, वैशाख ८ गते ।
रौतहटमा एक युवकको कुटी–कुटी हत्या भएको छ । रौतहटको कटहरिया नगरपालिका १ भसेढवामा युवकको हत्या भएको आरोपमा एकजनालाई पक्राउ गरेको हो ।
सोही ठाउँका रामएकवाल यादवको २५ वर्षीय छोरा संजिव यादवलाई आइतबार राति केही स्थानीयले कुटी–कुटी हत्या गरेको रौतहट प्रहरीले जनाएको छ ।

भसेढवाटोलमा घर भएका संविज यादव एकजना अन्य साथीका साथ गएराती ९ः१० बजेको घरभन्दा करिब १ किलोमिटर टाढा खोर भन्ने टोलमा गएका थिए ।

सोही ठाँउका संजिव यादवका एकजना साथीले केही कामको सल्लाह छ भनी सो ठाँउबाट करिब २ सय मिटर टाढा लालबकैया नदी किनारमा लगेका थिए ।

पूर्व योजनाअनुसार उक्त स्थानमा पुुग्नासाथ पहिलेदेखी त्यहाँ रहेका ५र७ जनाको समूहले संजिव यादवलगायत दुबैजना माथि बाँसको लाठीले आक्रमण सुरु गरेका थिए ।

संजिवका अर्का साथी त्यहाँबाट भाग्न सफल भएका थिए । तर, लुकेर बसेका समूहले संजिव यादव माथी संघातिक हमला गरी पटक पटक बाँसको लठीले टाउको खुटा,हाथमा प्रहार गरी खेतमा फालेर भागेका थिए ।

घटनास्थलबाट भागेका संजिवका साथीले गाउँलाई गुहार मागेर संजिव यादवलाई उपचारका लागि एम्बुलेन्सबाट तत्कालै बिरगंज पठाएकोमा उनको उपचारको क्रममा रातिनै मृत्युु भएको प्रहरीले जनाएको छ ।

घटनास्थल पुगेका प्रहरीले घटनामा संलग्न रहेको आरोपमा खोरटोलका मोहन दाशका छोरा २२ बर्षिय राधेश्याम दाशलाई नियन्त्रणमा लिएको ईलाका प्रहरी कार्यालय गरुडाका प्रमुख प्रहरी नायव उपरीक्षक ज्ञानकुमार महतोले बताए ।

आरोपीका घरका पुुरुष मानिस सबै फरार रहेको र घटनामा संलग्न अन्यको खोजी तथा अनसन्धान भइरहेको घटनास्थल पुगेका डिएसपी महतोले जानकारी दिए ।