लागूऔषधसहित महोत्तरीबाट युवक पक्राउ

टुडेपाटी–
महोत्तरी, साउन १२ गते ।

महोत्तरीबाट प्रतिबन्धीत लागूऔषधसहित एक युवक पक्राउ परेका छन् ।

पक्राउ पर्नेमा जिल्लाको बर्दिबास नगरपालिका ६ किसाननगरका २५ वर्षीय संजय परियार रहेको जिल्ला प्रहरी कार्यालय महोत्तरीले जनाएको छ ।

बुधवार राति औरही नगरपालिका ४ कठुधार स्थित माईस्थान सम्सी सडक खण्डमा प्रहरी टोलीले चेकजाँचको क्रममा पैदल हिडेर आईरहेको परियारलाई एक्सिप्लोन सिरप ५ बोतलसहित पक्राउ गरिएको प्रवक्ता प्रकाश विष्टले जानकारी दिए ।

महोत्तरी जिल्ला अदालतबाट लागूऔषध मुद्दामा पाँच दिनको म्याद लिई ईलाका प्रहरी कार्यालय गौशाला महोत्तरीबाट थप अनुसन्धान भइरहेको जिल्ला प्रहरी कार्यालयले जनाएको छ ।