पोखरीमा डुबेर महोत्तरीमा बालकको मृत्यु

टुडेपाटी-
महोत्तरी, असार ३० गते ।

पोखरीमा डुबेर महोत्तरीमा एक बालकको मृत्युु भएको छ ।

जिल्लाको लोहारपट्टी नगरपालिका–४ बरथटोलमा पोखरीमा डुबेका अवस्थामा गए राति एक बालकको शव भेटिएको छ ।

स्थानीय भाग्यनारायण यादवका दुई वर्षीय छोरा सार्थक यादवको शव गाउँकै शिवजी पोखरीमा भेटिएको जिल्ला प्रहरी कार्यालय महोत्तरीका प्रमुख प्रहरी उपरीक्षक कृष्णप्रसाद पङ्गेनीले बताए ।

घरबाट खेल्न भनी निस्केका बालक अबेर साँझसम्म घर नफर्केपछि परिवारजनले खोज्दै जाँदा उनी पोखरीमा डुबेको अवस्थामा भेटिएको हो ।

यस सम्बन्धमा थप अनुसन्धान भइरहेको जिल्ला प्रहरी कार्यालय महोत्तरीले जनाएको छ ।