मधेश प्रदेश : गाडीको ठक्करबाट युवकको मृत्यु

टुडेपाटी-
सर्लाही, असार १७ गते ।

सर्लाहीमा गाडीको ठक्क्रबाट एकजनाको मृत्यु भएको छ ।

पूर्व–पश्चिम राजमार्गअन्तर्गत सर्लाहीको हरिवनमा बिहिवार राति गाडीको ठक्करबाट हरिवन नगरपालिका–११ कडरिया चोकका २४ वर्षीय जयबहादुर विकको मृत्यु भएको जिल्ला प्रहरी कार्यालयका प्रवक्ता प्रहरी नायब उपरीक्षक विजय यादवले जानकारी दिए।

नम्बर नखुलेको गाडीले गए राति युवकलाई ठक्कर दिएको थियो।

गाडीको ठक्करबाट घाइते भएका युवकलाई तत्कालै नमूना अस्पताल पुर्‍याउँदा चिकित्सकले मृत घोषणा गरेका थिए।

प्रहरीले दुर्घटनामा संलग्न रहेको आशङ्कामा एउटा ट्रकलाई नियन्त्रणमा लिएर अनुसन्धान गरिरहेको जनाएको छ।