सिरहामा ट्याक्टर पल्टिदा चालकको ज्यान गयो

टुडेपाटी-
सिरहा, असार १५ गते ।

सिरहामा ट्याक्टर पल्टिदा चालकको ज्यान गएको छ ।

सिरहाको नवराजपुर गाउँपालिका वडा ३ मा स १ त ४५७१ नम्बरको ट्रयाकटर पल्टिदा किचिएर चालक ३५ बर्षको बिनोद कुमार यादवको बुधबार दिउँसो मृत्यु भएको हो ।

मंगलबार खेत जोतेर घर फर्किदै गर्दा स्थानीय दलु यादवको खेतमा ट्याक्टर फसेको थियो । अबेरसम्म ननिस्किदा चालक घर फर्केका थिए ।

बुधबार सोही टयाकटर निकालन जाँदा पल्टेर ट्याक्टर धनीसमेत रहेका यादवको किचिएर मृत्यु भएको ईलाका प्रहरी कार्यालय लक्ष्मीपुर पतारीका प्रहरी निरीक्षक केशव कुमार कटुवालले जानकारी दिए ।

मृतक चालक आफै ट्याक्टर धनी रहेका छन् ।

उनको घटनास्थलमै मृत्यु भएको र शव पोस्टमार्टमका लागि लहानको रामकुमार स्मारक अस्पतालमा पठाइएको प्रहरीले जनाएको छ ।