मेड इन युएसए लेखिएको पेस्तोल सहित धनुषाबाट तीनजना पक्राउ

सन्तोष ठाकुर–
जनकपुरधाम, असार १३ गते ।

धनुषाबाट अमेरीकन पेस्तोल सहित तीनजना भारतीय नागरिक पक्राउ परेका छन् ।

पक्राउ पर्नेमा भारतको बिहार राज्य जिल्ला मुजफ्फरपुर ७ साहेबगंजका २९ वर्षीय राहुल रंजन, २० वर्षीय उज्वल कुमार र २६ वर्षीय संजय कुमार रहेको सशस्त्र प्रहरीले जनाएका छन् ।

सोमबार सशस्त्र प्रहरी निरीक्षक दिलेन्द्र खत्रीको कमाण्डमा खटेको प्रहरी टोलीले धनुषाको विदेह नगरपालिका १ महिनाथपुर स्थित सीमानाका जकपुरधामबाट भारत तर्फ जाँदै गरेको बिआर ०६ एपी ३००८ नम्बरको मारुति सुजुकी कारलाई चेकजाँच गर्दा सिटमुनीबाट मेड इन युएसए लेखिएको ७.६५ राउन्ड एक थान लोड भएको पेस्तोल बरामद गरेको छ ।

बरामद भएको हतियार सहित तीनैजनालाई आवश्यक कारवाहीका लागि इलाका प्रहरी कार्यालय खजुरीमा पठाइएको छ ।